SEERAT E KHWAJA GARIB NAWAZ

SEERAT E KHWAJA GARIB NAWAZ

PART:-01

HINDUSTAN : Duniya ka wo mulk hai jise Makka Mu’azzama,  Madeena Munawwara aur Bagdad Shareef k baad ek Aham Muqam hasil hai.

Khudawand Kuddoos ne jab Abul Bashar Sayyeduna Hazrat Aadam Alaihis’salam ko Jannat se duniya me bheja tou jis jagah Aap ka qadame Mubarak Zameen par pada wo hissa saraandeep pahadi thi jo pahle Hindustan mein aur baad ko Sri Lanka ka hissa ban gaee Saraandeep Pahadi ka Maujdooda Naam Aadam peek hai iski Oonchaee do 2 Hazar do 2 Sao 43 , ( 2243 ) feet hai Saraandeep ko ek aur fazeelat hasil hai wo wo ye ki jab Khudawand Kuddoos ko apni wahadaniyat ka Elaan is Zameen par karna maqsood hua tou Sayyeduna Jibraeel Alaihis’salam ko usee Saraandeep kee pahadi par Azaan kahne ka hukm hua Yani duniya mein pahli Azaan Hazrat Jibraeel Alaihis’salam ne Saraandeep kee pahadi par dee.

Hazrate Aadam Alaihis’salam se lekar roohee fidaah Hazrat Muhammad Mustafa Sallallahu ta’ala Alaihi Wasallam tak ka’amo besh ek laakh Chaubees Hazaar Rasool , Nabi aur Paigambar Tashreef lae aur sabhi ne Allah kee wahadaniyat ka Elaan kya aur Gumrah bandon ko haq ka rasta dikhaya

Choonki hamare Aaqa wa Maula Janabe Muhammad Mustafa Sallallahu ta’ala Alaihi Wasallam Aakhri Nabi hain, Aap k baad Ab subhe Qayamat Tak koie Nabi Nahin Aaega is lie Allah ta’ala ne apne Habeeb Sallallahu ta’ala Alaihi Wasallam k zarie Sham’e Vilayat Raushan kar dee Taaki uske bande Siraate Mustaqeem se na bhatke.

Sarkar E Do Jaha’n Sallallahu ta’ala Alaihi Wasallam ne jin Das 10 Nufoose Qudsiya ko is kaam k liye chuna unke Naam Naami isme girami is tarah hain.

(1) Hazrate Abu-Bakr Siddique Radiyallahu Ta’ala Anhu

(2) Hazrate Umar Farooq Radiyallahu Ta’ala Anhu

(3) Hazrate Usmaan Ganee Radiyallahu Ta’ala Anhu

(4) Hazrate Ali Shere Khuda Radiyallahu Ta’ala Anhu

(5) Hazrate TaLha Radiyallahu Ta’ala Anhu

(6) Hazrate Zubair Radiyallahu Ta’ala Anhu

(7) Hazrate Abu Ubaida Radiyallahu Ta’ala Anhu

(8) Hazrate Sa’ad Bin Abee Waqaas Radiyallahu Ta’ala Anhu

(9) Hazrate Saeed Radiyallahu Ta’ala Anhu

(10) Hazrate Abdurrahman Bin Auf Radiyallahu Ta’ala Anhu.

Tareeqat ka silsila inhee Hazraat se jaari hua Tamaam Silsilon mein Hazrate Ali Radiyallahu Ta’ala Anhu aur Hazrate Abu-Bakr Siddique Radiyallahu Ta’ala Anhu ka Silsila Afzal hai Chunanche kitaabon mein mankool hai kee chaar peer haft giroh , Chaudah 14 Khanwadon ka Silsila Hazrate Ali Radiyallahu Anhu se wabasta hai aur Khandane Naqshaband ka Silsila Hazrate Abu Bakar Siddique Radiyallahu k pote Hazrate Qasim Bin Muhammad se Jaari hua…

Ref ( Ata-E-Rasool Sultanul Hind Khwaja Gareeb Nawaz )

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡


SEERAT E KHWAJA GARIB NAWAZ

PART:-02

Hazrate Ali Radiyallahu Ta’ala Anhu ne chaar peer Muqarrar farmae jinke Naame Naami isme girami is tarah hain

(1) Hazrat Imaam Hasan Radiyallahu Ta’ala Anhu

(2) Hazrat Imaam Husain Radiyallahu Ta’ala Anhu

(3) Hazrat Khwaja Kumel Bin Ziyaad Radiyallahu Ta’ala Anhu

(4) Hazrat Khwaja Hasan Basari Radiyallahu Ta’ala Anhu





Sultanulhind  Hazrat Khwaja Mueenuddeen Chishti Sanjari Ajmeri Razi’allahu ta’ala anhu isi Chauthe Silsila yani Hazrat Khwaja Hasan Basari Radiyallahu Ta’ala Anhu k silsile mein Aate hai’n,  jo is tarah hai

(1) Hazrat Ali Radiyallahu Ta’ala Anhu

(2) Hazrat Khwaja Hasan Basari Radiyallahu Ta’ala Anhu

(3) Hazrat Khwaja Abdul wahid Bin Zaid Radiyallahu Ta’ala Anhu

(4) Hazrat Khwaja Fuzail bin Aeyaaz Radiyallahu Ta’ala Anhu

(5) Hazrat Ibraheem Bin Adaham Radiyallahu Ta’ala Anhu

(6) Hazrat Huzaifa Marishi Radiyallahu Ta’ala Anhu




(7) Hazrat Khwaja Ameenuddeen hubaira Basari Radiyallahu Ta’ala Anhu

(8) Hazrat Khwaja Mumshad Ali Deenori Radiyallahu Ta’ala Anhu

(9) Hazrat Khwaja Abu ishaq Shami Chishti Radiyallahu Ta’ala Anhu

(10) Hazrat Khwaja Abu Ahmed Abdaal Chishti Radiyallahu Ta’ala Anhu

(11) Hazrat Khwaja Abu Muhammad Radiyallahu Ta’ala Anhu

(12) Hazrat Khwaja Abu Yusuf Radiyallahu Ta’ala Anhu

(13) Hazrat Khwaja Kutubuddeen Maudood Chishti Radiyallahu Ta’ala Anhu

(14) Hazrat Khwaja Hajee Shareef Zindani Radiyallahu Ta’ala Anhu

(15) Hazrat Khwaja Usmaan Haroon Radiyallahu Ta’ala Anhu

(16) Sultanulhind Hazrat Khwaja Mueenuddeen Chishti Radiyallahu Ta’ala Anhu

Aaiye Ab Mukhtasar taur par chistiya silsile k bujurgon k bare mein bhi kuch maloomat hasil karle

Hazrat Ali Radiyallahu Ta’ala Anhu

Aap Sarkar E Do Jaha’n (صلی اللہ علیہ وسلم) k Chacha zaad bhaee hain aur damaad bhi Aap kee shadi Sayyeda Patimtuzzahara ( Bint Rasool E Kareem (صلی اللہ علیہ وسلم) Se hue aur Hazrat imaam Husain w Hazrat hasan Rizwanullahu Ta’ala Alaihim Ajmaeen k walid hai Sayyed Khandan Aap hee se chala Aap k bare mein Sarkar E Do Jaha’n (صلی اللہ علیہ وسلم) ne farmaya “main ilm ka shahar hoo’n aur Ali uske Darwaza hai”…

Hazrat Khwaja Hasan Basari Radiyallahu Ta’ala Anhu

Aap San 21 hijri mein Madeena Munawwara mein paida hue mankool hai ki Hazrat Khwaja Hasan Basari Radiyallahu Ta’ala Anhu ne ek Sao tees 130 Sahaba ko dekha hai aur tabaee ka sharaf hasil kya tha Aap ko Hazrat Imaam Hasan w Khwaja Kumel Bin Ziyaad kee Sohbat ka bhi sharf hasil hai Aap ko Vilayat Hazrat Ali Karramallahu wajahu kareem se mili aur Aap hee se khiraq-E-Khilafat bhi paya tha Aap kee umr Nawasee  saras 89 baras huee Aap kee wafat basra mein huee aur wahin Aap kee Mazaar Shareef bhi hai Aap Hazrat Shaikh Abdul Wahid Bin Zaid k peero Murshid hai aur Vilayat k A’ala Muqaam par Aap Faeez hain…

Ref ( Safeenatul-auliya )

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡


SEERAT E KHWAJA GARIB NAWAZ

KHWAJA ABDUL WAHID BIN ZAID RADIYALLAHU ANHU

PART:03

Aap Hazrat Khwaja Fuzail Bin Ajaaz k peero Murshid hai Aap ko khiraq-E-Khilafat Hazrat Khwaja Hasan Basari se hasil hue Aap ne uloome Zaahiro batin Hazrat Imam Hasan Radiyallahu Ta’ala Anhu se hasil kya tha…

HAZRAT KHWAJA FUZAIL BIN AEYAAZ RADIYALLAHU TA’ALA ANHU

Aap Hazrat Khwaja ibraheem Bin Adaham k peero Murshid hain Aap Samrakand mein paida hue Aap ek jyyed Aalime Deen they Aap kee wafat Madeena Munawwara mein huie




Aap kee Nisbat ye waqi’a bahut mashoor hai ki ek roz Aap apne ladke ko pyaar kar rahe they, ladke ne Aap se farmaya,  “ABBA JAAN Aap mujh ko bhi dost rakhtey hain aur Khuda ko bhi Ye kaise Mumkin ho sakta hai ki ek dil mein do2 kee Muhabbat ho ABBA JAAN ek dil mein do 2 Dost ek sath nahi’n rah saktey” Aap ne ladke kee Baat ko taeed Ghaibee Khayaal kiya aur Khuda kee Muhabbat mein sab kuch chodkar ghar se nikal khade hue aur KHWAJA ABDUL WAHID BIN ZAID RADIYALLAHU TA’ALA ANHU k halaq-e-iraadat mein Shamil ho gae aur ibadate Ilaahi mein masroof ho gae…

Ref ( Safeenatul-auliya )




Ek baar Sultaan Haroon Rasheed , Abbasee Khaleefa Aap kee Khidmat mein hazir hua Aapne khaleefa ko kuch Naseehate farmaee Haroon Rasheed bahut Khush hua , Aap se arz kya ki “Aap kisi k qarzdaar hain” aapne farmaya haa’n “main apne Allah Rabbul Izzat ka qarzdaar hoon aur usee qarz ko Ada karne mein masroof hoon khaleefa rookhsat hotey waqt aap kee Bargah mein ek hazaar deenaar kee thaili pesh kee Aap ne farmaya “main ne tumhen kitni acchi naseehat kee lekin tujh par kuch asar na hua

Main tujhe najaat ka rasta batata hoon aur too mujhe bala mein griftaar karana chahta hai” Haroon Rasheed Aap ka ye jawab sun kar bahut roya aur apne wazeeron se kaha ki “Fuzail Bin Aeyaaz farishta hain”..

Ref ( Ata e rasool Sultanul Hind Khwaja Gareeb Nawaz )

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡


SEERAT E KHWAJA GARIB NAWAZ

PART:-04

HAZRAT IBRAHEEM BIN ADHAM RADIYALLAHU TA’ALA ANHU

Aap hazrate huzeefa marishee k peero murshid hai, aur mulk balakh k shahee khandan se hai Aap kee ta’aleem behatreen aur A’ala thi badshahat chodne k do Asbab kitabon Mein miltey Hain ek to ye ki aap jangal Mein shikar kee talaash Mein they ki GHAIB se Aap k kanon Mein ye Aawaz Aaee ki, “Ae IBRAHEEM, tujhe is kam k liye nahi paida kiya gaya hai” ye Aawaz suntey hee aap par khauf aur larza taari ho gaya aur aapne saltanat ko thokar maar kar doosre waqi’a Yoon hai ki ek Raat aap apne mahal k chat par Aaraam farma rahe they ki pass se ek Shakhs gujara,aap ne poocha “tum kaun ho?” Usne jawab diya “mera oont kho gays hai use talash kar Raha hoon” aapne farmaya , “chat par oont kis tarah as sakta hai” us Shakhs ne jawab diya ki “tum sone aur chsndi k tskht par Aaraam kartey hue khuda kee talab rakhtey ho, khuda yaha’n ksise mil sakta hai” uska jawab sunkar Aap Aabadeeda ho gaye aur usi Raat takhto-Taaj ko thokar maari aur jangal kee taraf nikal gae.



Kitabon Mein milta hai ki Aap ne hazrate imam A’azam Radiyallahu Ta’ala Anhu se ilme deen padha that aur imam Sabab aap ko Sayyeduna Ibraheem k laqab se pukarte they saltanat ko thokar marne k baad aap buzurgane deen kee khidmat Mein apna waqt guzarte they aakhir kar Hazrat KHWAJA FUJAIL BIN AYAAZ kee khidmat Mein hazir hue aur mureed ho gae Hazrat Shaikh Abhu Saeed Abulakhair Radiyallahu Ta’ala Anhu farmatey hai ki “ibraheem Bin Adaham Neeshapur k ek gaar Mein 9 saal tak ibadatey ilaahi Mein masroof rahe sirf Je’araat ko gaar se bahar tashreef laatey , jangal se sookhi lakadiyan ikatta kartey aur use farokht kartey ,us se Jo basil hots aadha tou gareeb , miskeen aur fukara ko detey aur Jum’a kee Namaz ADA karne k baad aap baqiya paison se apni zarooriyat kee cheeze lhareed kar fir gaar Mein wapas tashreef late 9 saal is tarah guzare baad ko log aap ko pahchan gae aur apni pareshaniyon Mein aap se karam aur duaon k tslabgaar hotey hue had se ziyada pareshan karne Lage




Tou Neeshapur k us gaar se hijrat farma kar Madeena Shareef chale gae Shaikh farmatey hai ki main me us gaar ko dekha hai usmein abhi bhi khooshboo aati hai Aap se bahut karamatein zahir huee Hain jinmein se ye ek bahut hee mashhoor karsmat hai  chand buzurgon k hamraah aap ek pahadi par tashreef farma they ki ek buzurg ne sawal kya ki “Mard k ksmaal kee Alamat kya hai” aap ne farmaya ki jab wo Mard kahe ki “Ae pahad chal” tou pahad fauran chalne Lage abhi aap kee zubaane Mubarak se ye jumla Ada hee his tha ki wo pahad jis par aap sabhi log tashreef they , fauran chalne laga

Aap kee wafaat aur Mazaar Shareef k bare Mein kaee Riwayate hai ba’az ka khayal hai ki Aap 120, Baras kee umr Mein gayab ho gae aur fir koie khabar na mili Awarade chishtiya Mein likha hai ki Aap ne 5 jamadiil Awwal San do sao iksat ( 261 ) hijri Mein wafat paee aur Hazrat imam Hanbal Radiyallahu Ta’ala Anhu k pahlu Mein dafan Hain ,

Safeenatul Auliya Mein likha hai ki Aap kee wafat (26) jamadiil Awwal ko hue aur aap la Mazaar mulk Sham kee kisi pahadi par hai…

Ref ( Ata E Rasool Sultanul Hind Khwaja Gareeb Nawaz )

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡


SEERAT E KHWAJA GARIB NAWAZ

PART:-05

HAZRATE HUZEEFA MARISHEE RADIYALLAHU TA’ALA ANHU

Aap Hazrat Khwaja Hubaira Basari k peero Murshid damishq mein aap bamuqam Maraish mein paida hue they kitabon mein likha hai ki saat 7baras kee umr mein Quran shareef Hifz farma liya tha aur solah 16 baras kee umr mein aap tamam ooloom se farig ho gae they jab Khudawand Kuddoos kee Mohabbat Ziyad gaalib Aayi to Aap Hazrat Khwaja ibraheem Bin Adaham k Dast haq parast par ja kar bai’at ho gae aur sirf cha 6 Maheene aapne peer kee bargah mein rahkar khilafato ijazat se bhi Mala mal hue peer se ijazat lekar aap Makka Mu’azzama Tashreef le gae Hajje Bayatullah se farig hokar Bargahe Risalat ma’sab (صلی اللہ علیہ وسلم) mein hazir hue aur Rauza-e-Mubarak par Rozana ek kalam paak raat mein tilawat farmatey they Aap bahut



ziyada tanhaee pasand they aur khaufe Khuda se har waqt Aap kee Aankhon se Aansoo jaari rahtey Aap k hathon par cha 600. Kafir ne kalima padha…

Aap 24 Shawwal San 252 hijri mein apni jaane Aafareen ko Khuda k Sipudr kya aur Aap ka Mazaare Paak Basara mein Ziyarate Khalaeq hai…

Ref ( Ata-E-Rasool Sultanul Hind Khwaja Gareeb Nawaz )

HAZRAT KHWAJA HUBAIRA BASARI RAHMATULLAH TA’ALA ALAIHI




Aap Hazrat Khwaja Muhashad Deenori k peero Murshid hain Aap kee Viladat Basara mein huie. Aur Aapne Hazrat Huzeefa Marishee se Baya’at hasil kee aur khuda kee ibadat mein hama waqt mashgool hee Aap ka sheeva tha aap ne ek 130 baras kee umr paee 17 ya 18 Shawwal San ( 271 ) hijri ko apne Malike haqeeqee se jamile aur Mazaare Paak Basara mein hain…

Ref ( Ata-E-Rasool Sultanul Hind Khwaja Gareeb Nawaz )

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡


SEERAT E KHWAJA GARIB NAWAZ

PART:-06

HAZRAT KHWAZA MUMSHAD DEENORI RAHMATULLAH TA’ALA ALAIHI



Aap Hazrat Aboo ishaq Shamee Chishti k peero murshid Hain hamdaan aur bagdad k beech ek shahad Mein paida hue deenor k Naam se mashhoor hai

Aap bade Paae k Buzurg hue Hain, Aap k ILM aur jumla kamalat ka tamam zamana qain hai aur chishtiya Silsile k peeron Mein Aap ko bahut ooncha muqam hasil hai Aap nihayat daulatmand the daulatmand hone k sath-sath Aap intihee darje k greeb parwar bhi the jab yade ilahi ne Aap par Galba kiya to Aapne apni saari daulat Rahe Khuda Mein luta Dee

Aapne hazrate Khizir ALAIHIS’SALAM se bhi Mulaqat kee thi aur unheen k irshad par Aap KHWAZA HUBAIRA BASARI k Mureed hue the Aap kee ye karamat bahut mashhoor hai ki ek baar aap but khaane kee taraf ja nikale ,aur but poojne walon se farmaya, “tum ko Sharam nahi’n Aati ki Khuda ko chodkar boton kee pooja karte ho” Aap k is kahane ka but paraston par aisa Asar hua ki waha’n maujood sare k sare but parast kalima padkar dakhile Islam hue..



14, Muharram San 319 Hijri Mein Aap kee wafat huee…

Ref ( Ata-E-Rasool Sultanul Hind Khwaja Gareeb Nawaz)

تسیرت خواجہ غریب نواز

پوسٹ 06

حضرات خواجہ ممشد دينوري رحمة الله علیہ

آپ حضرات ابو اسحاق سمیع چشتی کے پيرو مرشد ہیں حمدان اور بغداد کے درمیان ایک شہر  میں پیدا ہوئے دنور کے نام سے مشہور ہے

آپ بڑے پائے کے بزرگ ہوئے ہیں، آپ کے علم اور جملہ کمالات کا تمام زمانہ کین ہے اور چشتیہ سلسلے کے پیروں میں آپ کو بہت بلند مقام حاصل ہے آپ نہایت دولت مند تھے دولت مند ہونے کے ساتھ ساتھ آپ کو انتہائی درجے کے غریب پرور  بھی تھے جب يدے الہی نے آپ پر غلبہ کیا تو آپ نے اپنی سار ی دولت رہے خدا میں لوٹا دی

آپ نے حضرت خضر علیہ السلام  سے بھی ملاقات کی تھی اور انہیں کے ارشاد پر آپ خواجہ ہبہر بصری کے مرید ہوئے تھے آپ کی یہ كرامات بہت مشہور ہے کے ایک بار آپ بت  کھانے کی طرف جا نكلے، اور بت  پوجنے والوں سے فرمايا، “تم کو شرم نہ ہی آتی کی خدا کے علاوہ بتوں کی پوجا کرتے ہو “آپ کے اس کہنے کا بت پرستوں پر ایسا اثر ہوا کی وہاں موجود سارے کے سارے بت شکست دم پڑ داخل اسلام ہوئے.

14، محرم نمبر 31 9 ہجری میں آپ کی وفات ہوئی.

حوالہ (-عطائے رسول سلطان ہند خواجہ غریب نواز)

सीरत ए ख्वाजा गरीब नवाज़




पार्ट:-०६

हज़रात ख्वाजा मुमशद दीनोरी रहमतुल्लाह तअला अलैहि

आप हज़रात अबू इशहाक़ शमी चिश्ती के पीरो मुर्शिद हैं हमदान और बगदाद के बीच एक शहद में पैदा हुए दिनोर के नाम से मशहूर है

आप बड़े पाए के बुज़ुर्ग हुए हैं, आप के इल्म और जुमला कमालात का तमाम ज़माना कैन है और चिश्तिया सिलसिले के पीरों में आप को बहुत ऊंचा मुक़ाम हासिल है आप निहायत दौलतमंद थे दौलतमंद होने के साथ-साथ आप इंतिहाई दर्जे के गरीब परवार भी थे जब यदे इलाही ने आप पर गालबा किया तो आपने अपनी साड़ी दौलत रहे खुदा में लूटा दी

आपने हज़रते खिज़िर अलैहिससलाम से भी मुलाक़ात की थी और उन्हीं के इरशाद पर आप ख्वाजा हुबेर बसरी के मुरीद हुए थे आप की ये कारामात बहुत मशहूर है की एक बार आप बूत खाने की तरफ़ जानिकले ,और बूत पूजने वालों से फर्मायाः, “तुम को शर्म नाहि’न आती की खुद को छोड़कर बुतों की पूजा करते हो” आप के इस कहने का बूत परस्तों पर ऐसा असर हुआ की वहा मौजूद सारे के सारे बूत परास्त कालिमा पड़कर दाखिले इस्लाम हुए।

१४, मुहर्रम सं ३१९ हिजरी में आप की वफात हुई।

हवाला ( अत-इ-रसूल सुल्तानुल हिन्द ख्वाजा गरीब नवाज़)

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡


SEERAT E KHWAJA GARIB NAWAZ

Post:-07

HAZRAT KHWAJA ABOO ISHAQ SHAMEE CHISHTI RAHMATULLAH TA’ALA ALAIHI




Aap Hazrat Khwaja Aboo Ahmad Chishti k peero murshid Hain ibadat ilahee k zauq ne jab Galba kiya to aap Rato Din Khuda kee ibadat mein masroof hogaye Aap Shabo Roz Roza Rakhtey aur hate mein ek baar Roza iftaar kartey ek Din Ghaib se Aap k Kanon mein Aawaz Aaee ki “Jao Khwaja Mumshad Deenori ka Daman than lo”

bas fir kya tha Aap Hazrat Khwaja Mumshad Deenori kee khidmat mein hazir hue Hazrat Khwaja Mumshad Deenori Rahmatullah ta’ala Alaihi ne Aap se Aap ka Naam Daryaft farmaya Aap ne arz kee is fakir ko Aboo ishaq Deenori kahtey hai” tab Hazrat Khwaja Mumshad Deenori ne farmaya,  “Aap se log tumhe Aboo ishaq Chishti kahenge ” aur Chishti k log tum se hidayat payenge aur jo bhi tumhare silsile mein dakhil hoga wah Chishti kahlaega




Aap SAHIBE KARAMAT BUZURG HAIN Aap kee Bargah mein jo Beemar Aata wo Shifayab hota aur jo duniya dar Aata wo tarikudduniya hokar lautata  ek baar Chishti mein bahut sakht qahat , log aapki khidmat mein hazir hue aur fariyad karne Lage Aap ne hukm diya ki mahafile Samaa’a ka intizaam karo chunanche mahfile Samaa’a muna’aqid kee gaee aur jab Aap par wajd kee qaufiyat taari huee to Aasman par kali ghatae cha gaee aur is qadar moosala dhar barish huee ki logon ko barish rokne kee darkhwast karni padi Aap ne Dua kee aur barish tham gaee

Aap Silsil-E-Chisht k bani samajhe jatey hain jaha ek taraf Aap ilmo fan mein yakta the wahi ibadato Riyazat mein bhi yagaan-E-Rozgar the…

 Aap ka visaal San 340 hijri mein hua..

Ref ( Ata-E-Rasool Sultanul Hind Khwaja Gareeb Nawaz)

تسیرت خواجہ غریب نواز

پوسٹ 07

حضرت خواجہ ابو اسحاق سمعی  چشتی رحمة الله تعالیٰ علیہ

آپ حضرت خواجہ ابو احمد چشتی کے پيرو مرشد ہیں عبادت الہی کے ذوق نے جب غلبہ کیا تو آپ راتوں دن خدا کی عبادت میں مصروف هوگئے آپ شب و روز روزہ رکھتے اور ہفتے میں ایک بار روزہ افطار کرتے ایک دن غیب سے آپ کے کانوں میں آواز آئی کی “جاؤ خواجہ ممشاد  دينوري کا دامن تھام لو”

بس پھر کیا تھا آپ حضر ت دينوري کی خدمت میں حاضر ہوئے حضرات خواجہ منشاد  دينوري رحمة الله علیہ نے آپ سے آپ کا نام دریافت فرمایا آپ نے عرض کی اس فقیر کو ابو عشق دينوري کہتے ہیں “پھر حضرت  خواجہ منشاد  دينوري نے پھرمايا، “اب  لوگ تمہیں ابو عشق چشتی کہیں گے” اور چشتی کے لوگ تم سے ہدایت پائیں گے اور جو بھی تمہارے سلسلے میں داخل ہوگا وہ چشتی کہلائے گا

آپ صاحب کرامات بزرگ ہیں آپ کی بارگاہ میں جو بیمار آتا وہ  شفایاب ہوتا اور جو دنیا دار  آتا وہ  تارك دنيا ہوکر لوٹتا ایک بار چشتی میں بہت سخت قحط، لوگ آپ کی خدمت میں حاضر ہوئے اور فریاد کرنے لگے آپ نے حکم دیا کی محفل  سماء  ‘ کا انتظام کرو چنانچہ محفل  سما ‘منعقد  کی گئی اور جب آپ پر وجد کی كیفیت  طاری ہوئی تو آسمان پر سیاہ گھٹائے چھا گئی اور اس قدر مسلا  دھار  بارش ہوئی کی لوگوں کو بارش روکنے کی درخواست کرنی پڑی آپ نے دعا کی اور بارش تھم گئی

آپ سلسلہ چشت کے بانی سمجھے جاتے ہیں جہاں  ایک طرف آپ علم و  فن  میں یکتا تھے وہی عبادتوں و  ریاضت میں بھی يگائے روزگار تھے.

 آپ کا وصال  340 ہجری میں ہوا ..

حوالہ (-عطائے رسول سلطان ہند خواجہ غریب نواز

सीरत ए ख्वाजा गरीब नवाज़

पोस्ट:-07

हाज़रात ख्वाजा अबू इश्क़ शमी चिश्ती रहमतुल्लाह तअला अलैहि




आप हज़रात ख्वाजा अबू अहमद चिश्ती के पीरो मुर्शिद हैं इबादत इलाही के ज़ौक़ ने जब गालबा किया तो आप रातो दिन खुदा की इबादत में मसरूफ होगये आप शबो रोज़ रोज़ा रखते और हफ्ते में एक बार रोज़ा इफ्तार करते एक दिन ग़ैब से आप के कानों में आवाज़ आई की “जाओ ख्वाजा मुंशाद दीनोरी का दामन थाम लो”

बस फिर क्या था आप हज़रात ख्वाजा मुंशाद दीनोरी की खिदमत में हाज़िर हुए हज़रात ख्वाजा मुंशाद दीनोरी रहमतुल्लाह तअला अलैहि ने आप से आप का नाम दरयाफ्त फ़रमाया आप ने अर्ज़ की इस फ़क़ीर को अबू इश्क़ दीनोरी कहते है” तब हज़रात ख्वाजा मुंशाद दीनोरी ने फर्मायाः,  “आप से लोग तुम्हे अबू इश्क़ चिश्ती कहेंगे ” और चिश्ती के लोग तुम से हिदायत पाएंगे और जो भी तुम्हारे सिलसिले में दाखिल होगा वह चिश्ती कहलाएगा

आप साहिबे करामात बुज़ुर्ग हैं आप की बारगाह में जो बीमार आता व शिफ़ायाब होता और जो दुनिया दर आता व तारिकुददुनिया होकर लौटता  एक बार चिश्ती में बहुत सख्त क़हत , लोग आपकी खिदमत में हाज़िर हुए और फरियाद करने लगे आप ने हुक्म दिया की महफिले समा’ का इंतिज़ाम कररो चुनांचे महफिले समा’ मुनाअक़िद  की गयी और जब आप पर वज्द की कॉफ़ियात तारी हुई तो आसमान पर काली घटाए छा गयी और इस क़दर मूसला धार बारिश हुई की लोगों को बारिश रोकने की दरख्वास्त करनी पड़ी आप ने दुआ की और बारिश थम गयी

आप सिलसिला-ए-चिश्त के बानी समझे जाते हैं जहा एक तरफ़ आप इल्मो फन में यकता थे वही इबादतों रियाज़त में भी यगाण-ए-रोज़गार थे।

 आप का विसाल सं ३४० हिजरी में हुआ।।

हवाला ( अत-इ-रसूल सुल्तानुल हिन्द ख्वाजा गरीब नवाज़)

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡